Радыё Ўнэт: "Жыве Беларусь уначы" ("Białoruskie Noce") - Навіны /26.11.2020/

Навіны на Радыё Ўнэт 🌐 🔸Міністр замежных справаў Расеі Сяргей Лаўроў падчас візіту ў Менск зняпраўдзіў інфармацыю аб кантактах афіцыйнай Масквы з Каардынацыйным саветам і офісам Святланы Ціханоўскай. Святлана Ціханоўская папярэдзіла расейскі бок аб непрызнанні ўсіх пагадненняў з Лукашэнкам 🔸 Расейскі палітолаг Аляксандр Марозаў распавёў, навошта на самой справе Лаўроў прыехаў у Беларусь 🔸 19-гадовага студэнта Іллю Тананку асудзілі на паўтары гады ў калоніі адкрытага тыпу за абразу камандзіра менскага АМАПу Дзмітрыя Балабы 🔸 У Беларусі працягваецца ціск на журналістаў: заблакаваны шэраг інтэрнэт-старонак 🔸 Прэс-сакратар Беларускай Праваслаўнай Царквы айцец Сергій Лепін напісаў заяву на звальненне 🔸 Міс Беларусь – 2008 Вольга Хіжынкова атрымала яшчэ 15 содняў арышту 🔸 Родныя Рамана Бандарэнкі звярнуліся ў Цэнтральны РАУС у Менску, дамагаючыся ўзбуджэння крымінальнай справы ў сувязі з праслухоўваннем тэлефонных размоваў сям'і Бандарэнкі, пра гэта яны расказалі ў інтэрв'ю Еўрарадыё 🔸 У Воршы ўпрыгожылі будынак муралам з постаццю Уладзіміра Караткевіча, ініцыятарам стаў мецэнат Андрэй Балабін 🔸 Службы Лукашэнкі незадаволеныя нейтральным стаўленнем уладаў Украіны да актыўнасці беларускай дыяспары ў Кіеве 🔸 Беларусы стварылі мабільны дадатак, каб турыстам ды падарожнікам было яшчэ прасцей знайсці сабе жытло па ўсім свеце 🔸 Міністэрства развіцця, працы і тэхналогіі Польшчы адкрыла доступ да рынку працы для беларусаў, якія знаходзяцца ў краіне па гуманітарных візах, 🔸 Улады прыдумалі, як заканадаўча забараніць вывешванне нацыянальных сцягоў 🔸 Расейская ракетна-касмічная карпарацыя "Энергія" прапанавала стварыць новую расейскую касмічную станцыю 🔸 Армія Эфіопіі пачала наступ на горад Мэкеле, сталіцу рэгіёну Тыграй 🔸 Кіраўнік Еўракамісіі Урзуля фон дэр Ляен заявіла, што грамадзяне Еўразвязу могуць атрымаць першыя прышчэпкі ад каронавірусу ўжо да канца снежня Запрашаем  штодзённа ад панядзелку да пятніцы ў эфіры праграмы "Жыве Беларусь  уначы" з 23:00 да 02:00 (Польшча), з 01:00 да 04:00 (Беларусь), з 12:00  да 03:00 (Украіна). Нас можна слухаць на хвалях Радыё Ўнэт у Варшаве  (87,8), Кракаве (95,2), Вроцлаве (96,8), а неўзабаве і ў Беластоку,  Любліне, Лодзі, Быдґашчы. Слухайце нас таксама ў інтэрнэце на wnet.fm  альбо праз мабільны дадатак Tune In. --- Send in a voice message: https://podcasters.spotify.com/pod/show/radiownet-archiwum/message